 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Конскую галаву ратуй...
#Беларуская прыказка
Глухой труною – цішыня.
Бархан, што века.
Хаваюць галаву каня,
Як чалавека.
Вядома, конскую ратуй –
Яна ўратуе.
У Каракумы забінтуй
Бяду крутую!
Барханачуйна помніць слых
Крык
I сык кулі,
Схавалі жах пажараў злых
Воч Ісык-Кулі.
Зямля жанчынай чуе боль,
Сама чакае.
На сьпіне праступае соль
Саланчакамі.
Мы зьвязаны спакон вякоў
Адной паслугай:
Шматуе цішу скон падкоў –
Зямлю паслухай!
Начы глушэе ваўкаўня.
Бархан, што века.
Хаваюць галаву каня,
Як чалавека...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
